Maiatzean AULKITIK JAIKI ETA ERAIKI!!!2

Aste honetan ere Ikasle Gunea irudikatzen jarraitzea erabaki dugu. Pasa den Ostegunean, Maiatzak 20. Oraingoan ordea, bestelako proposamen batekin: tailer parte-hartzaileak. Goizean goiz esnea eta kafesnea prestatu genituen, gosaldu gabe edo, besterik gabe, gosez hurbiltzen zen edozein ikaslek sabela bete zezan. 10:ooak inguruan hasita denetariko aukerak eskaini genituen: gitarra tailerra, malabareena, bertso-tailer bat... Baita aguakateen hezurrekin lepokoak egitekoa ere!

,

Bazkaltzeko gustuko entsalada egiteko hainbat osagai eraman genituen, bakoitzak nahi bezala jateko eta janaldiak iraun bitartean Asanblada Ireki bat burutu genuen. Gure asmoa tailerretan parte hartu zuen jendeak Asanbladaren nondik norakoan berri izatea zen. Aurretik egindakoa kontatu eta egingo direnetan parte hartzeko. Izan ere, jende berria noiz etorriko zain gaude! Badakizu, ASTEARTETAN 13:00etan AULARIOAN!!!

Maiatzean AULKITIK JAIKI TA ERAIKI!

Gure Ikasle Gunearen proposamenarekin jarraituz eta, beste behin, posible dela erakusteko, Maiatzean eskatzen dugun tokia irudikatzea erabaki genuen. Asmo horrekin pasa den Maiatzaren 13an Aularioa biziz bete gendun, goizetik hasita eguerdirarte:

9:00tik aurrera

Musika, Ikasle Liburutegia, Arte Lanak...

10:00etan

Hitzaldia

13:00etan

Asanblada Irekia

14:00etan

Kantu Bazkaria

Giro ederrean ibili ginen goiz guztian zehar, Fakultateko ikasleak parte hartzera gonbidatuz. Gure Fakultateak daukan kolore gris eta goibela ikusita, kolorez jantzi genuen brotxa eta pinturarekin. Emaitza, ordea, ez zen esperotakoa izan. Dekanotza zein Errektoretzako kargudunen bisitak izan genituen eta ez oso atseginak bereziki. Hitz egiteko gogo gutxiz hurbildu zitzaizkigun.

Hona hemen argazki batzuk:





Hasta los huevos de "Hasta los huevos de la UPV"!

Palestinari elkartasuna adierazteko Checkpoint bat irudikatu dute Leioan

Israelekiko boikota adierazi asmoz, palestinarrek egunero pairatzen duten errealitatea irudikatu nahi izan dute AlNaqba egunaren harira.

Aurreko asteazkenean, maiatzak 12, 15an Al Nakba eguna dela eta, UPVko Leioako kanpusean Palestinar herriarekiko elkartasun plataformak Check-point (Israeldar kontrola) bat irudikatu dute Palestinarrek jasaten duten eguneroko errealitatea islatu nahiean .

Banatu den esku orria:

“AL NAQBA”-N, PALESTINAREKIN ELKARTASUNA ETA ISRAELI BOIKOTA! 1948ko maiatzaren 15ean Israelek bere estatu sionista aldarrikatu eta inposaketaz aurrera eraman zuen bere borondatea. Momentu horretan "Al Naqba" edo hondamendia bezala ezaguna egin den epea zabaldu zen palestinarrentzat.

Harrezkero, holokausto berri bat emango da palestinarren aurka. 60 urte hauetan, beraien lur eremua gero eta txikiagoa izan da, kolonia sionistak nonahi hedaturik, Palestinatik kanpo 5 milioi errefuxiatu, barne errefuxiatuak, 12.000 preso politiko, apartheid-aren harresia, kontrol bukaezinak(check-point) edonon, lurrak desjabeturik, ekonomia suntsiturik, oinarrizko eskubide zibilak, osasun eskubideak, mugimendu eskubideak eta azken batean bizitza bera, israeldar estatuak baldintzaturik. Hori dela eta, Unibertsitate-komunitateari hondamendi hau gogoratzera, exodoa eta suntsipena salatzera, eta bakea, justizia eta askatasuna aldarrikatzera dei egiten diogu. Hortara, duela urte batzuk Palestinako 170 eragilek nazioartean Israel boikoteatzeko deialdia zabaldu zuten, Israel deslegitimatzeko eta Palestinari elkartasuna adierazteko boikot ekonomiko, kultural eta akademikorako deia alegia.

Azken horren harira, hemen gauden ikasle zein irakasleok 2009ko urrian eratu zen Unibertsitateko Israeli Boikot Kanpainari eutsi nahi diogu EHU-UPV israeldar unibertsitateekin mantentzen dituen harremanak bertan behera utzi eta palestinar unibertsitateekiko harremanak indartu ditzan. Garai batean Hegoafrikako apartheidarekin amaitzeko eraginkor izan zen borroka-eredu honen bitartez, argi utzi nahi dugu Isralego estatuaren existentzia bera ez dela zilegia.

Okupaziorik ez! Sionismorik ez! Palestinar herriaren alde! Israelgo Estatuaren adierazpen orori boikota!

_________________

Hoy, en el Campus de Leioa y conmemorando el dia de Al-Naqba, la Plataforma de Solidaridad al Pueblo Palestino ha representado un Check-Point (control Israelí) para difundir y denunciar la situación que viven los palestinos.

El texto difundido:
EN EL “AL NAQBA”, SOLIDARIDAD CON PALESTINA Y BOICOT A ISRAEL!
El 15 de mayo de 1948 Israel reivindicó su estado sionista e impuso su voluntad. A partir de ese momento, se abre el período conocido como “Al Naqba” o la catástrofe por lxs palestinxs. En ese momento, empieza un nuevo holocausto en contra de lxs palestinxs. En estos 60 años, la superficie de tierra será cada vez menor, las colonias sionistas expandidas a doquier, 5 millones de refugiadxs palestinxs fuera de sus tierras, refugiadxs internxs, 12000 presxs políticxs, el muro del apartheid, controles interminables en cualquier lugar (Check-point), tierras expropiadas, una economía devastada, derechos civiles, de sanidad, de movimiento, al fin y al cabo la vida misma, condicionada por el Estado de Israel.
Es por eso, que hacemos un llamamiento a toda la Comunidad uinversitaria para recordar y denunciar esta destrucción y el éxodo que supuso esta fecha y para reivindicar paz, justicia y libertad. Para ello y para deslegitimar a Israel y mostrar solidaridad a Palestina, hace unos años, 170 agentes palestinos hicieron un llamamiento internacional de boicot cultural, académico y económico a Israel. Al hilo de este llamamiento, queremos sustentar la campaña Boicot a Israel de la universidad, que se formo en octubre del 2009 demandando a la UPV-EHU suspender las relaciones que mantiene con universidades Israelíes, asi como que refuerce su colaboración con universidades palesitinas. Con esta forma de lucha, que una vez fue vital para derrocar el Apartheid en Sudáfrica, queremos dejar claro que la propia existencia del Estado de Israel es ilegítima.

¡No a la ocupación! ¡No al sionismo! ¡En apoyo al pueblo Palestino! ¡Boicot a toda expresión del estado de Israel!

UPVko Ikasle kontseiluak, Israelgo unibertsitateei boikot egiteko kanpaina bat hasiko du

UPVko Ikasle Kontseiluak maiatzaren 13an egin duen asanbladan, Palestinarekin elkartasunerako apustua egin du. Palestinatik etorri diren elkartasunezko eskaerei erantzunez, Israelgo estatu sionistari eta gure kasuan Israelgo unibertsitateei boikota bultzatzeko apustua egin dugu UPVko Ikasle Kontseilutik.

Horretarako, Palestinar hainbat eragilek eta nazioarteko beste horrenbestek egindako eskaera eta konpromisoa hartuz, gure egiten dugu PACBI-aren aldarrikapena (www.pacbi.org).
Hau aurrera eraman ahal izateko, UPVko Batzorde Paritariora eramango dugula proposamena aurreratzen dugu eta UPVko agintariak honetan iniziatiba hartzeko ahal dugun dena egingo dugula adierazten dugu.
Hauek dira mahi horretara eramango ditugun bi eskariak:

-UPVk Israelgo estatuarekin eta zuzenki unibertsitateekin dituen harreman guztiak, departamentuetatik hasita UPV maila arte, haustea. Horretarako, behar diren barne maiako arauak aldatuz edo eraikiz.

-Palestinar unibertsitateekin zubiak eraiki eta harremanak indartzea.
Horrez gain, UPVko Ikasle Kontseilutik ikasleak eta unibertsitate komunitatea lan honetan aurrera pausoak emateko lanean hastera gonbidatzen dugu.

Palestinarekin elkartasuna, Israelgo unibertsitateei Boikot!

Aske Europako Hezkuntza ministrarien aurkako Kontra-gailurraren harira astelehenean atxilotuak izan ziren ikasleak

Atzo arratsaldean aske geratu ziren Europako Hezkuntza ministrarien aurkako Kontra-gailurraren harira astelehenean atxilotuak izan ziren bost ikasleak. La casa del Libro-n burututako liburu espropiazioengatik izan ziren atxilotuak, nahiz eta guztiek ekintza horren partaide ez izan. Baliteke atxiloketak Isiltasuna apurtu dezagun (Rompamos el silencio) delako ekimenarekin loturik egotea. Bolognaren aurkako Kontra-gailurrean parte hartu genuen Leioako UPVko Gizarte Zientzien Asanbladatik gure elkartasuna helarazi nahi diegu hezkuntzaren merkantilizazioaren kontra borrokatzen duten ikasle errepresaliatuei.

Hona hemen Bologna fucking up Group plataformaren adierazpena eta atxikimenduak http://bolognaburnsmadrid.wordpress.com/2010/04/28/liberadas-companeras-detenidas-por-la-expropiacion-de-la-casa-del-libro-y-mas-de-100-adhesiones-al-comunicado-de-repulsa/ Errepresioak ez gaitu isilduko, oztopo guztien gainetik, gora ikasle mugimendua!!

IKASLE BORROKAZ LORTUKO DUGU!!
EZ, EZ, EZ, BOLOGNARI EZ!!

Firma bilketa

Gure legitimitatea dudan jarria ikusita gure proposamena ikasleriari erakusteko ordua zela erabaki genuen. Firmak biltzen hasi ginen, alde batetik jendeak gure asmoaren berri izan zezan eta beste batetik ados zegoen edo ez ikusteko. Emaitza argia izan zen: 400 firma baino gehiago batu genituen aste beteko epean. Ikasle Guneak onarpen masiboa jaso zuen. Hona hemen banatu genuen panfletoa:

IKASLE GUNE AUTOGESTIONATU BATEN ESKAKIZUNA

Gizarte Zientzia eta Komunikazio fakultateko asanblada martxan paratu dugu ikasleok. Adin eta ikasketa ezberdinetako pertsonak bildu gara asanbladara. Bertan gure kezkak eta nahiak eztabaidatzen ibili gara harik eta ondorio komun batera heldu garen arte.

Fakultatean bildutakook guretzako eremu baten beharra ikusi dugu, unibertsitateko espazioa banatzerakoan ikasleok gune propiorik ez daukagula ohartu baikara.

Bologna prozesuak dakarren indibidualismoak ikasleok arteko harremanak hozten ditu: lehiakortasuna oinarri duen sistema baten pean gara, horren guztiaren kontra egiteko beste eredu bat bilatzen ari gara.

• Gu geuk kudeatutako espazio bat nahi dugu, gure fakultateko ikaslle guztientzako irekia.
• Kokapen erreferentzialduna izan dezan eskatzen dugu (eraikin berriko beheko solairuan kasu)
• Ekimen ezberdin eta alternatiboak (hitzaldiak, liburu-tertuliak, eztabaidak, bideo emanaldiak...) bultzatuko dituena.
• Elkarbizitzako sustatzeko trena izango da, guztiontzako irekia, anitza. Ikasleok ikasleontzako egina.

Eskakizun hauekin guztiekin Dekanoari gurea den hori emateko esango diogu, ikasleriaren hitza aditu beharko du. Honen harira, ahalik eta ikasle gehienen babesa behar dugu, baturak indarra sortzen duela sinetsita gure xedea erdietsi dezakegulakoan.

PETICION DE ESPACIO AUTOGESTIONADO

Los estudiantes de Ciencias Sociales y de la Comunicación hemos puesto en marcha la asamblea de nuestra facultad. Nos hemos juntado personan de todas las edades y carreras para compartir nuestras preocupaciones y llegar a una conclusión común.

Los estudiantes que nos hemos juntado hemos visto la necesidad de un espacio para el estudiantado, viendo que en el reparto del espacio en el campus no es equitativo y que carecemos de lugaremos comunes de encuentro.

El proceso de Bologna está impulsando un nuevo estilo de estudiante, competitivo e individualista, en el que las relaciones han quedado en un segundo plano y por eso nosotras buscamos un nuevo modelo.

• Reivindicamos tener un espacio propio, bajo nuestra gestión y abierto a todas las estudiantes de la facultad.
• Queremos que tenga una ubicación referencial (en el nuevo edificio por ejemplo)
• Creemos en la necesidad de un espacio para realizar diferentes actividades (charlas, tertulias, debates, video proyecciones... ) para que los estudiantes se puedan autoformar.
• Por último será un sitio abierto, creado por los estudiantes y para los estudiantes.

Con esta petición queremos hacerle saber el Decano que reivindicamos aquello que es nuestro, y que aunque no quiera, deberá escuchar la palabra de los estudiante. Por esto, y creyendo que la unión hace la fuerza necesitamos el apoyo de las estudiantes.

EUROPAR IKASLEEN KONTRAGAILURRA MADRILEN. BOLOGNA FUCKING UP!!!‏

Hona hemen Madrileko kontragailurraren inguruko kronika txiki bat.Osorik edota zatiak difunditzeko.
Gaztelerazko informazioa:http://bolognaburnsmadrid.wordpress.com/ http://www.centrodemedios.org/

Aquí una pequeña cronica de la contracumbre de madrid. para difusion total o parcial
+Info:http://bolognaburnsmadrid.wordpress.com/ http://www.centrodemedios.org/

EUROPEAR AGINTARIEN AURREAN, IKASLEOK TINKO!
BOLOGNA IS BURNING UP IN MADRID!!!


Ingelesezko izenburuak dion bezela, bologna prozesua Madrilen erretzen ari da. Apirilaren 13an, europar gobernuetako hezkuntza arloko goi-agintariak ospatzen duten Gailurraren harira, Europako bazter ezberdinetatik (Portugal, Belgika, Austria, Italia, Alemania, Eslovenia, Euskal Herria edota frantziar eta espainar estatuen administraziopeko beste herrietatik) Madrilera gerturatu garen ikasleok Kontra-gailur bat antolatu dugu ekintza ezberdinak eginez, behin eta berriro errepikatzeko asmoz, hezkuntzak ez duela kapitalaren Europaren kostua bere gain hartuko. Horretarako, Bologna fucking up Group izeneko plataforma sortu dugu apirilaren 8tik 14raino irauten duen mobilizazio astearen baitan, eta Euskal Herriatik Leioako EHUko Gizarte eta Komunikazio Zientzien Asanbladako kide batzuk bertaratu gara.
Hartara, ikasleok gure gune propio bat hartu dugu, Madrileko Universidad Complutense-ko filosofia eta filologia fakultatean itxialdia burutuz, gela handi bat, hall-a eta areto nagusia okupatuz. Gune hau erreferentzi hartuta, gure neurrira eginiko hezkuntza eraiki dugu, hitzaldiz, asanbladaz, tailerrez, giro onez eta esperientzia berriz josia, ikasleok ikasleontzat diseinatu eta burutua.
Europar ikasleon kontragailurra ostegunean abiarazi genuen, era baketsu eta hitzartuan aipaturiko guneak okupatu zirenean.
Goiz hartan bertan, eta RES (Rompamos El Silencio) gizarte mugimendu ezberdinen plataformaren eskutik, Ameriketako Etxera sartu eta zenbait pankarta eskegi ziren, mobilizazio asteari hasiera emanez eta erakunde horren aurkako salaketa eginez (Hegoamerikan duen paperagatik, banku handi eta arma industrien parte hartzeagatik, besteak beste). Era berean, okupaturiko fakultatean neoliberalismoa, hezkuntza eta Bologna Prozesuaren inguruko bi hitzaldi burutu ziren. (Argazkiak eta bideoak ikusteko Klik hemen)
Ostiralean, apirilak 9, hitzaldi eta tailer programa betearekin jarraitu zen, eta, beste alde batetik, goizean zehar Santander bankuaren egoitza nagusian protesta ekintza bat burutu zen, zenbait banku eta enpresa pribatuek unibertsitatean nahi duten esku-hartzea salatzeko. Bertan protesta eta performance-ak egin ziren, poliziaren presioagaitik ateratzeko beharra ikusi zen arte. (Argazkiak eta bideoa ikusteko Klik hemen)
Larunbatean, hitzaldi programarekin jarraitzeaz gain, liburu desjabetzapen bat burutu zen, Casa del Libro delako multinazionalaren egoitzan. Eguerdian, 50 pertsona inguru sartu ziren aipatutako liburudendan, bertan, zenbait argitaletxek (Planeta edo Espasa, besteak beste) hezkuntzaren merkantilizazioan duten garrantzia aipatzen zeneko komunikatu bat irakurri ondoren, hauetako liburuak hartu ziren, jabego intelektuala bezalako kontzeptuak ere salatuz. Segurtasun pribatua gogorki oldartu zitzaien ekintza honetako partehartzaileei.
Igandeari dagokionez, goizean koordinazio internazionaleko asanblada burutu zen, nazionalitate anitzeko jendeekin, eta arratsaldean koordinazio asanblada orokorra. Bertan, astelehenerako manifestazioaren nondik-norakoak definitu ziren. Gauean, berriz, hirian zehar kokaturiko banketxe ezberdinetan ekintzak egin ziren, margoketak eginez eta zerrailak itxiz, besteak beste.
Astelehena mobilizazio asteko egun garrantzitsuenetakoa zen, goizetik klaseetan eta unibertsitate sarreretan arratsaldeko manifestaziorako deialdia zabaldu genuen, eskuorri banaketa eta burrunbadak eginez. Arratsaldean, manifestaziorako deialdia 19:00etarako egina zen. Metro irteeretan poliziaren presentzia eta erregistroak egon baziren ere, 3000 pertsona inguruk Atocha-tik Hezkuntza ministeritzarako bidea egin genuen, berriro ere indar polizialen presentzia itogarriarekin (Hezkuntza Ministeritzan 10 furgoneta inguru zeuden, hesiz eta 70 porradun poliziaz babesturik). (Klik Hemen)
Gaur, asteartea, Hezkuntza Ministrarien Bilera ospatzen den egunean, bi bide mozketa (blokeo)burutu ditugu. Prado Pasealekuaren bi aldeetan. Lehenik, Atotxa kalean 20 ikasle inguru burnizko hodi eta kateez lotu dira. Segituan polizia mordoa iritsi eta oldartu zaie, mehatxuka, eta. ordu erdi beranduago hodiak kendu eta partehartzaile guztiak identifikatu dituzte. Beranduxeago, Cibelesen, Espainiako Banku Zentralaren ondoan, 80 bat ikaslek bidea eten dute 45 minutuz polizia andanaren presiopean ekintza bukatutzat eman den arte. Ondoren guztiak identifikatuak izan dira eta Atotxako metroaren bidea poliziaren zaindaritzapean egin dute. (Hemen Xehetasunak, Argazkiak eta bideoa)
Bestalde, gaur arratsaldeko 20:00etan bizikleta martxa bat antolatu da, gauean jai bat eta bihar goizean, amaitzeko Kontragailur guztiaren balorazio asanblada bat.
Amaitzeko, azpimarratu nahi dugu, Europa osotik etorritako ikasleok adierazi diegula Hezkuntza Ministeritzei gure desadostasuna,argo eta garbi esan diegula ez gaituztela errepresentatzen, ez gaudela beraien bidegabekeriaren ondorioak onartzeko prest, eta erakutsi diegu ikasle mugimenduak aurrera egiten duela Europan, eta borrokan jarraituko dugula, ikasgelaz ikasgela, fakultatez fakultate eta unibertsitatez unibertsitate aurre egingo diogula hezkuntzaren merkantilizazioari, eredu neoliberalaren beste esparru bat bezela.

BOLOGNA GELDITZERA GOAZ!
HEZKUNTZAK EZ DU ORDAINDUKO KAPITALAREN EUROPA!
GORA IKASLE BORROKA!