Oztopoak oztopo, baraualdiarekin tinko aritu gara Leioako ikasleok

Baraualdiarekin eta kanpaldiarekin batera, hainbat ekintza burutzen ari dira kanpus osoan zehar. Besteak beste, gaur goizean gazte independentistek jasaten dituzten torturak irudikatu ditugu fakultate sarreretan. Eguerdiko 12etan emango diote amaiera ekimenari, prentsaurreko masibo baten bidez.

Leioako ikasleon oharra:

Eguraldia lagun izan ez arren, kanpaldiarekin eta 24 orduko baraualdiarekin jarraitzen dugu Leioako 30 ikaslek. Atzo iluntzean unibertsitateko segurtasun indarrek fakultateetako sarrera galarazi ostean, gazte au

ziperatuen hitzaldia izan genuen Gizarte eta Komunikazio Zientzien fakultateko aterpean. Jarraian, eta berotan sartzeko asmotan, ezagutza jolasak burutu genituen eta gitarra eta bibolin doinuekin kantatu eta dantza egiteko parada ere izan genuen.

Gaur goizean, al

diz, beste askoren artean gazte independentistek pairatzen dituzten torturak iru

dikatu ditugu fakultate sarreretan, honekin batera klaseetara gerturatzen ziren ikasle guztiei esku-orri informatiboak banatuz.

Amaitzeko, 24 orduko baraualdiari amaiera emango dion prentsaurreko masibora etortzeko deialdia zabaldu nahi dugu, elkartasunak ez duela mugarik argi uzteko. Hitzordua eguerdiko 12etan izango da, Leioako kanpuseko Mikel Laboa plazan (eguraldia arabera tok

ia aldatu daiteke).

GORA EUSKAL GAZTERIA!

TORTURARIK　 EZ!

EUROAGINDURIK EZ!